مدبولي يوجة بدعم مدارس WE التكنولوجيه وربطها بالجامعات المصريه
الدكتور مصطفى مدبولي، رئيس الوزرا، عمل اجتماع النهارده بخصوص تطوير مدارس WE للتكنولوجيا التطبيقية، ودي مدارس بتهتم بتعليم الطلبه مواد متطوره ف مجال الاتصالات والمعلومات.
حضر الاجتماع وزرا التعليم العالي والاتصالات والتعليم الفني، ومعاهم كمان مسؤلين من المجلس الاعلي للجامعات والتعليم التكنولوجي.
مدبولي قال إن الرئيس السيسي مهتم جدا بالمدارس دي، وإن لازم يتم تسهيل دخول طلبتها للجامعات، خصوصا في التخصصات التكنولوجية، علشان نشجع الشباب على الانضمام ليها.
وكمان أكد إن المدارس دي مهمه في بناء مستقبل رقمي لمصر، لأن الطلبه بيطلعوا منها متدربين على أعلي مستوي.
الدكتور عمرو طلعت، وزير الاتصالات، شرح إن أول مدرسه اتأسست سنة 2021، ودلوقتي بقى عندنا 19 مدرسه فيها حوالي 4386 طالب، واتخرج منهم أكتر من 1100، و70٪ منهم دخلوا كليات.
كمان وضح إن في تنسيق مع وزارة التعليم علشان يفتحوا مدارس تانيه في محافظات مختلفه.
من ناحيته، وزير التعليم العالي، أيمن عاشور، قال إن الوزاره فاتحه أبوابها لطلبة المدارس التكنولوجيه، وإن في مسارات جامعيه مخصوصه ليهم.
أما محمد عبداللطيف، وزير التعليم الفني، فأشاد بمستوي الطلبه وقال إنهم متميزين وبيتخرجوا مؤهلين كويس لسوق الشغل.
وفي الآخر، مدبولي طلب من الوزارات إنها تجهز خطه متكامله تدعم المدارس دي، وتوضح إزاي خريجيها هيدخلوا الجامعات، وتتعرض الخطه دي في اجتماع تاني.
