الحر مولع في كل المحافظات ودرجات حرارة بتكسر الأربعين
النهارده التلات 22 إبريل 2025، الجو سخن مولع حرفيًا، وهيئه الأرصاد الجويه قالت إن في ارتفاع كبير فـ درجات الحراره فـ أغلب المحافظات، وده باين كمان من صور الأقمار الصناعيه اللى كشفت إن في موجة حر شديده، وخاصه في القاهرة الكبرى اللى وصلت فيها درجة الحراره لـ39 درجه فـ الظل، يعني الشمس أكيد أكتر من كده.
أما الجنوب فـ الوضع أصعب، أسوان وصلت فيها العظمى لـ43 درجه، وسوهاج وقنا مش بعيد عنهم، بـ42 درجه. الجو بقى نار فـ النهار، والمكيفات مش ملحقه، وكل ده ولسه الصيف ما دخلش رسمي.
الطقس كمان مش بس حر، في كمان رياح نشطه، خصوصًا على المناطق المكشوفه والصحراويه، الرياح دي كمان شايله رمال وأتربه، يعني اللي عنده حساسيه ياخد حذره.
أما الاسكندريه ومطروح فـ الجو أرحم شوية، بس برضو حر، الاسكندريه العظمى 34 والصغرى 21، ومطروح العظمى 32 والصغرى 19، يعني حتى الساحل الشمالي ماسلمش من الحر.
بالليل، الجو بيهدى حبه، وبيبقى معتدل عـ معظم المناطق، بس برضو متخدوش الجو أمان، لأن الحر في النهار هيخلينا نحس بالإرهاق والتعب.
الهيئه ناشدت الناس بعدم التعرض المباشر للشمس وقت الظهر، ولبس كابات ونضارات، وكتروا من شرب المياه علشان تحموا نفسكم من ضربات الشمس ربنا يعدي الموجه دي على خير.
