تشيلسي سابق الكل ورا مدافع بورنموث هويسن رغم اهتمام الريال

الصحافه الإنجليزيه والاسبانيه بتتكلم اليومين دول عن دين هويسن، المدافع الصاعد من بورنموث، واللي عامل موسم كويس جداً وخلى عيون الأنديه الكبيره تتابعه بقوه، وعلى راسهم تشيلسي وريال مدريد وليفربول.

صحيفة “آس” الإسبانيه كشفت إن تشيلسي هو اللي ماشي في الصفقه بسرعه كبيره، وعايز يضم هويسن قبل أي حد تاني، خصوصًا علشان يجهزه للمشاركه في كأس العالم للأنديه، واللي الفريق اللندني حابب يكون جاهز فيها بأفضل تشكيل ممكن.

تشيلسي مستعد يدفع الشرط الجزائي في عقده مع بورنموث، اللي هو 50 مليون يورو، وده يخلي الأمور أسهل من ناحية التفاوض، بعكس ريال مدريد اللي عنده شوية تردد في الصفقه دي، علشان شايف إن المبلغ كبير على مدافع شاب، خصوصًا وإن أسينسيو بدأ يبان مع الفريق الأول وبيقدي كويس.

هويسن لحد دلوقتي لعب 28 ماتش مع بورنموث في الموسم الجاري، وساهم في 3 أهداف، وده رقم مش بطال بالنسبه لمدافع، وبيوضح إن عنده قدرات مش بس دفاعيه لكن كمان يعرف يساعد قدام.

ليفربول كمان مهتم لكن مش بنفس الحماس اللي عند تشيلسي، اللي باين عليه ناوي يخلص بسرعه علشان مايديش فرصه لحد يخطف اللاعب.

الايام الجايه هتحسم مصير هويسن، لكن لحد دلوقتي تشيلسي هو الأقرب وبفرق واضح.