علي لاجامي يربك إدارة النصر ومفاوضاته توصل لطريق شبه مسدود
إدارة النصر حالياً تمر بوقت صعب بخصوص تجديد عقد مدافع الفريق علي لاجامي، واللي شكله مو ناوي يتنازل عن طلباته الماليه، الشي اللي خلى المفاوضات بينهم تمشي بصعوبه مره، حسب ما ذكرت مصادر مقربه من النادي.
الموضوع مو بسيط، اللاعب يطالب بمبلغ يعتبره يستحقه، والنادي للحين ما وافق على هالشروط، والوضع صار غامض بخصوص إذا راح يستمر لاجامي مع العالمي أو لا. الجماهير نفسها بدأت تتسائل: هل بيتم التجديد؟ ولا بنشوفه في نادي ثاني الموسم الجاي؟
وفي تطورات جديده، تقول بعض المصادر إن نادي نيوم، اللي صعد توه لدوري روشن للمحترفين، قاعد يتابع الموضوع باهتمام كبير، ويمكن يقدّم عرض رسمي للاعب لو ما وصلت مفاوضاته مع النصر لحل يرضي الطرفين.
الكل عارف إن لاجامي له دور كبير بخط دفاع النصر، وإذا راح بيكون فقد كبير خصوصاً مع ضغط المنافسات والبطولات الجايه لكن بالنهايه، كل شي يعتمد على إذا الإدارة بتغير رأيها أو اللاعب بيتنازل شوي.
يبدو إن الايام الجايه بتحسم مصيره، وهل بيكمل مشواره مع النصر أو يبدأ مرحله جديده مع فريق ثاني.
