رجوع وينزداي آدامز من جديد فـ موسم تاني كله غموض وكوميديا

نتفليكس أخيرًا قررت تكشف عن ميعاد عرض الموسم التاني من مسلسل “Wednesday” اللي الناس كلها مستنياها، خصوصًا بعد نجاح الجزء الأول اللي كان عامل صدى كبير في كل حته.

جينا أورتيجا، أو وينزداي آدامز، راجعه من تاني ومعاها مغامرات أكتر، أسرار أكتر، وخطر أكبر بيقرب.

الموسم الجديد هيتقسم على جزئين، كل جزء فيه ٣ حلقات.

أول تلات حلقات هينزلوا يوم ٦ أغسطس، والتلات التانيين هينزلوا يوم ٣ سبتمبر، يعني هنعيش شهر كامل وسط الغموض.

القصه هتدور تاني حوالين أكاديميه “نيفرمور”، بس المره دي كله متغير، في ناس جداد، أسرار مدفونه، وعلاقات هتدخل فـ بعضها بشكل مجنون.

تيم بيرتون لسه مكمل في الإخراج والإنتاج، ووراه الكاتبين ألفريد جوغ ومايلز ميلر.

بيشارك في التمثيل إيما مايرز، ستيف بوسيمي، كاثرين زيتا جونز، وغيرهم كتير، وكمان في ضيوف شرف تقال زي كريستوفر لويد وثانديوي نيوتن وهيذر ماتارازو.

يلا استعدوا للموسم الجديد اللي باين عليه هيبقى أغمق وأغرب، وكالعادة.. وينزداي مش هتسكت!