من هو أبو كرش؟ رئيس برشلونة يثبت كفاءته وسط هجوم جمهور الريال
خلال المواسم الثلاثة الماضية، جمهور ريال مدريد مش مش قادر يوقف تهكمه على رئيس برشلونة، خوان لابورتا، ووصفه بـ “أبو كرش”، وده كان بلغة الشارع يعني الراجل اللي جسمه مليان ولا همه غير الأكل، لكن الحكاية مش كده خالص الحقيقة إن الرجل ده، اللي يمكن يكون عنده كرش، أثبت بمرور الوقت إنه فاهم في كرة القدم أكتر من أي رئيس تاني.
لما الصحفي سأل لابورتا عن قرار اختيار المدرب هانز فليك، رد وقال: “فليك هو نتيجة اختيار من ديكو وبويان ولجنة الرياضة، أنا عندي ثقة في قراراتهم، وهم دايمًا بيتخذوا قراراتهم باحترافية وبناءً على خبراتهم” الجملة دي، كانت بمثابة رد قوي على جمهور ريال مدريد اللي دايمًا بيتهكم على لابورتا، وكأنهم مش عارفين من هو “أبو كرش” ده، ولا مين اللي فعلاً فاهم في الكرة.
أما بالنسبة لفلورنتينو بيريز، رئيس ريال مدريد، فالأمور مختلفة تمامًا. بيريز مش عنده فريق فني لاختيار المدربين، هو عنده فريق فني يختار الراقصات والمطربين في البرنابيو. دي الحقيقة! بيريز مش بيختار اللاعبين على أسس فنية، هو بيختارهم بناءً على الفيديوهات اللي بيوصلوله عن لاعبين زي أطفال البرازيل وغيرهم، مش بناءً على حاجة واضحة أو معايير فنية.
وما ننساش المواقف دي، بيريز طرد بينيتز لمجرد إنه أكل فطيرة من النقانق على مقاعد البدلاء، وتخلص من لوبتيغي وزيدان، رغم الإنجازات، تم محاربته، بس بيريز عجز عن طرد أنشيلوتي رغم كل التخبط اللي بيعيشه الفريق.
ده لو مش عجز، يبقى هو في حالة من التوهان الكبير، مش قادر يتصرف ولا يغير حاجة، ورغم ده كله، لسه بيريز بيغني للماضي وكأنه مش شايف كل اللي بيحصل من خراب في الفريق.
في النهاية، اللي بيحصل مع أنشيلوتي في ريال مدريد مش طبيعي سواء كان السحر بيخليه باقي لحد دلوقتي أو في حاجة غريبة بتحصل، ده مش موضوع طبيعي خالص الأيام هتكشف أكتر، بس الحقيقة إن بيريز، رغم كل الجعجعة، مش قادر يتصرف.
