الاهلي بكامل نجومه يواجه الهلال الليله بنص نهائي الآسيوي الكبير
اليوم الثلاثاء، جماهير الكره السعوديه ع موعد مع قمه ناريه، لما يلتقي الاهلي ضد الهلال ع ملعب “الانماء” في مدينة الملك عبدالله الرياضيه، ضمن نصف نهائي دوري ابطال آسيا للنخبه 2025.
الاهلي داخل المباراة وهو فوله طاقه، بعد ما اكدت التقارير ان الفريق خالي من الإصابات، وعيادة النادي فاضيه تماماً، وهالشي يعطي دفعه معنويه قويه للفريق قبل هاللقاء الحاسم.
علي مجرشي، اللي تعرض لإصابه خفيفه في مباراة بوريرام التايلاندي في دور الثمانيه، رجع للتدريبات مع زملائه وشارك في التمارين الاسترجاعيه، يعني جاهز يكون ضمن خيارات المدرب الليله.
المباراة تعتبر اختبار صعب للطرفين، والهلال خصم تقيل وعنده خبره، لكن الاهلي جاهز ويريد يثبت انه مو بس موجود، بل يبغى يروح للنهائي ويحقق حلم جماهيره.
التذاكر خلصت من بدري، والجمهور متحمس بشكل كبير، و”التيفو” المخصص من جماهير الاهلي بيكون له طابع خاص الليله.
كل الأنظار بتتجه لـ”الانماء” مع صراع كبار الكره السعوديه، والفائز ياخذ خطوه كبيره نحو الحلم الآسيوي.
