الهلال بيجهز لنونو سانتو بعد الخروج من نخبة آسيا قدام الأهلي

لسه الكلام شغال في الوسط الرياضي عن مستقبل نادي الهلال بعد ما خرج من نصف نهائي دوري أبطال آسيا للنخبة قدام الأهلي، واللي خلى جماهير الزعيم في صدمة كبيره.

وحسب تقارير صحفيه، إدارة الهلال بدأت تفكر بجدية في التعاقد مع المدرب البرتغالي نونو سانتو، اللي بيدرب نوتنجهام فورست الإنجليزي حاليًا، وكان مدرب الاتحاد قبل كده.

السبب الرئيسي إن نونو عارف أجواء الدوري السعودي كويس وسبق له إنه جاب إنجازات مع الاتحاد، غير إنه فاهم طبيعة اللاعبين المحليين، وده اللي مخلي إدارة الهلال شايفاه الحل المناسب قبل بطولة كأس العالم للأندية اللي قربت.

الهلال ناوي يفتح باب التفاوض مع نونو في أسرع وقت، وده قبل ما الدوري الإنجليزي يخلص، علشان يلحق يجهز الفريق ويعيده للمسار الصح.

وفي أنباء بتأكد إن إدارة الهلال ممكن تعلن إقالة المدرب خورخي خيسوس في أي لحظه، بعد الأداء المتراجع والخروج اللي ماكانش متوقع من الآسيوية.