هجوم برشلونة يعادل أرقام تاريخية وبيدور يسجل إنجاز جديد قبل نهاية الموسم

رغم التعادل المثير 3-3 مع إنتر ميلان في ذهاب نصف نهائي دوري الأبطال، خط هجوم برشلونة عمل إنجاز مش بسيط، بعد ما وصل عدد أهدافه لـ158 هدف في 54 ماتش بكل البطولات والرقم ده خلى هجوم البارسا الحالي يدخل قائمة أقوى خطوط الهجوم في تاريخ النادي، واحتل المركز الخامس في الترتيب.

الخط الهجومي اللي بيقوده النجم البولندي روبيرت ليفاندوفسكي، قدر يعادل أرقام خطوط هجومية تاريخية زي فريق الثلاثية الأول في موسم 2008-2009، وفريق موسم 2012-2013 تحت قيادة الراحل تيتو فيلانوفا.

بس الشغل لسه ما خلصش، ليفاندوفسكي ورفاقه محتاجين يسجلوا 32 هدف كمان في باقي الماتشات علشان يعادلوا رقم موسم 2011-2012، اللي سجل فيه الفريق 190 هدف وكان أقوى هجوم في تاريخ البارسا.

الرقم مش بعيد، خصوصًا لو الفريق كمل بنفس الرتم الهجومي، لكن هيفضل التحدي الأكبر هو التوازن ما بين الهجوم والدفاع، خصوصًا في المواعيد الحاسمة زي الإياب قدام إنتر.

جماهير البلوغرانا مستنية تشوف هل الجيل الحالي هيقدر يكسر أرقام الجيل الذهبي؟ ولا هيفضل مجرد موسم هجومي حلو من غير تتويج كبير؟