قفزة جديدة لأسعار الذهب اليوم الخميس 8 مايو 2025 عيار 18 يسجل 4071 جنيها بدون مصنعية
أسعار الذهب في مصر تواصل اهتمام المواطنين وتثير جدلا واسعا في الشارع المصري، خصوصا مع قرب نهاية الأسبوع وتذبذب الأسعار العالمية، اللي بتأثر بشكل مباشر على السوق المحلي. النهاردة الخميس 8 مايو 2025، شهدت أسعار الذهب في مصر تغيرات ملحوظة، في وقت الناس بقت تراقب أي تغير ممكن يحصل سواء بارتفاع أو انخفاض، خصوصا في ظل تقلبات الاقتصاد العالمي وحركة الدولار اللي مش بتثبت على حال.
أسعار الذهب اليوم الخميس في مصر
في متابعة دقيقة لأحدث الأسعار، سجل سعر الذهب من عيار 24 نحو 5428 جنيها للجرام، وده يعتبر أعلى فئة بين الأعيرة، وغالبا بيكون الإقبال عليه محدود شوية. أما العيار الأكثر شهرة وتداولا في مصر، واللي هو عيار 21 ، فسجل 4750 جنيها للجرام، وده السعر اللي كتير من الناس بتتابع عليه، سواء للشراء أو البيع أو حتى الهدايا في المناسبات.
أما بالنسبة ل عيار 18 ، واللي ناس كتير بقوا يفضلوا بسبب سعره الأقل، فسجل 4071 جنيها للجرام بدون مصنعية. ومن ناحية تانية، جرام الذهب من عيار 14 وصل 3166.75 جنيه، والجنيه الذهب سجل 38000 جنيه كامل.
عوامل مؤثرة على سعر الذهب
التغيرات في سعر الذهب مش بتحصل كده من فراغ، ولكنها نتيجة لتحركات كتير في الأسواق العالمية، منها قرارات البنوك المركزية حول العالم، وتحركات الدولار الأمريكي. كمان الذهب اكتسب قوة مؤخرا بسبب مخاوف السوق العالمي من تأثير القرارات اللي أخدها الرئيس الأمريكي دونالد ترامب وفرضه لرسوم جمركية جديدة، بجانب موجة البيع الكبيرة اللي شافتها أسواق الأسهم في الفترة الأخيرة.
الأجواء دي كلها بتخلي الناس تترقب كل جديد في سعر الذهب، سواء كانوا بيفكروا في الادخار أو الاستثمار أو حتى مجرد متابعة. وفي ظل الظروف دي، أصبح الذهب أداة آمنة كتير من الناس بتحب تلجأ ليها وسط عدم اليقين الاقتصادي اللي حاصل في العالم كله.
