ارتفاع ملحوظ بأسعار الحديد اليوم السبت 10-5-2025 والطن يسجل 40000 جنيه
وسط حالة كبيرة من الترقب في سوق مواد البناء في مصر، استقر سعر الحديد اليوم السبت 10 مايو 2025 عند نفس المستويات التي اتعود الناس عليها الشهرين اللي فاتوا. كتير من التجار والعملاء كانوا منتظرين يحصل أي تغيير مفاجئ في الأسعار، لكن السوق فضل هادي، والبيع مستمر بأسعار قريبة جدا من الشهور اللي فاتت من غير زيادات كبيرة. الغريب ان رغم الاحداث الاقتصادية اللي بتحصل حوالينا، إلا ان سعر الحديد محافظ علي نفسه لحد دلوقتي.
أحمد الزيني، رئيس شعبة مواد البناء بالغرفة التجارية بالقاهرة، وضح ان الأسعار عند الشركات والموزعين زي ما هي، واكد ان حديد التسليح بيتباع للمستهلك بسعر يتراوح من حوالي 39200 جنيه لحد 40000 جنيه للطن وده حسب المحافظة ونوع الشركة، وبرضه مكان التوزيع له تأثير بسيط على السعر.
أسعار الحديد اليوم في أهم الشركات
قال الزيني إن سعر طن حديد عز وصل 38800 جنيه تقريبا. في حين حديد بشاي 38600 جنيه، اما حديد المصريين بيباع بـ 38500 جنيه، وسعر حديد الجارحي كان أوطى شوية ووقف عند 36000 جنيه للطن. الأسعار دي تسليم أرض المصنع، يعني قبل مصاريف الشحن والتوصيل للمستهلك النهائي.
تفاوت السعر من موزع للتاني
سعر الحديد بيختلف من محافظة للتانية، وده بسبب فروق النقل والشحن وتنوع الشركات. في مصانع وموزعين بتبيع الطن بمتوسط 38200 جنيه، وفي موزعين بيبيعه لحد 40 ألف جنيه للطن في بعض المحافظات. كل ده حسب المنطقة وتكلفة النقل والشركة المنتجة.
الحديد طبعا يعتبر من أساسيات أي مشروع بناء في مصر، ومع استقرار سعره، بيطمن كتير من الناس اللي شغالين في مجال البناء وبيسهل عليهم التخطيط لمشروعاتهم الجاية. فعلا السوق في هدوء تام، والكلام كله على أنه مفيش زيادة كبيرة الفترة دي والناس بتشتري وهي مطمنة.
