ارتفاع قياسي للذهب اليوم الجمعة 9 مايو 2025.. سعر عيار 24 بدون مصنعية يسجل 5411 جنيها
تزايد الاهتمام بسعر الذهب في مصر بشكل ملحوظ مع بداية تعاملات يوم الجمعة، وذلك في ظل حالة عدم الاستقرار الاقتصادي التي يواجهها أغلب المستثمرين والأفراد سواء من الطبقة المتوسطة أو حتى الفئات الأكثر ثراءً. كثير من الناس بدأوا يتسائلوا بشكل يومي عن آخر أسعار الذهب، بعدما أصبحت الأوضاع في الأسواق المالية شديدة الحساسية لأي تحرك عالمي أو قرار سياسي يؤثر بشكل مباشر على سوق الذهب.
أسعار الذهب اليوم في مصر
شهدت أسعار الذهب اليوم الجمعة ارتفاعا واضحا، حيث وصل سعر جرام الذهب من عيار 24 إلى حوالي 5411 جنيه من غير أي مصنعية، وده السعر اللي يعتبر الأعلى بين العيارات المتداولة في السوق المصري. أما جرام الذهب من عيار 21، وهو الأكثر رواجا عند المصريين، فسجل تقريبا 4735 جنيه. وعشان اللي بيحبوا العيارات الأقل، سجل جرام الذهب عيار 18 حوالي 4058 جنيه، وكمان عيار 14 وصل لـ3156 جنيه للجرام الواحد. أما اللي معاه رأس مال ويفكر في شراء جنيه ذهب كاستثمار أو هدية، فسعر الجنيه الذهب سجل 37880 جنيه تقريبا.
أسباب ارتفاع أسعار الذهب
الناس اللي بتسأل عن سبب الطفرات اللي بتحصل في أسعار الذهب، لازم يعرفوا إن في أسباب عالمية وراء الموضوع. أهم سبب إن المستثمرين الآن بيبحثوا عن الملاذ الآمن بعد قرارات رئيس أمريكا دونالد ترامب اللي فرض جمارك جديدة، وكمان بسبب بيع ضخم حصل في أسواق الأسهم اللي أثر على ثقة المستثمرين. ومن المعروف إن الذهب دايما بيرتفع في الظروف اللي فيها قلق اقتصادي وسياسي.
في نفس الوقت، لازم الناس تاخد بالها إن الأسعار اللي بيتم الإعلان عنها قابلة للتغيير من لحظة للتانية حسب تحركات السوق العالمي. وكمان دي أسعار من غير إضافة المصنعية أو الضرائب أو الدمغة، يعني تكاليف الشراء النهائي ممكن تزيد عن اللي مكتوب شوية. وده كله بيعتمد كمان على السعر الفوري للذهب عالميًا واللي بيتأثر بأي حدث اقتصادي أو سياسي مهم.
