ارتفاع لافت بأسعار الذهب اليوم الجمعة 9 مايو 2025 مع استقرار عيار 18 بدون مصنعية عند 4058 جنيهًا
سجلت أسعار الذهب في مصر اليوم حالة من التذبذب الملحوظ وسط متابعة مكثفة من المواطنين والتجار. ده كان واضح مع بداية تعاملات يوم الجمعة ٩ مايو ٢٠٢٥، واللى شهدت تغير واضح في الأسعار مقارنة بالأيام اللي فاتت. والسوق المحلي دايمًا بيتأثر بشكل كبير بتحركات السوق العالمية وتحديدًا قرارات البنوك المركزية الكبرى وكمان سعر الدولار الأمريكي، وده اللى بيخلي كل تغيير عالمي ينعكس بسرعة عندنا في السوق.
تطورات أسعار الذهب في مصر اليوم
المشغولين بالذهب في مصر لاحظوا أن سعر جرام الذهب لعيار ١٤ وصل لـ٣١٥٦ جنيه، أما جرام الذهب عيار ١٨ فكان ٤٠٥٨ جنيه من غير مصنعية. بالنسبة لعيار ٢١ اللى عليه الطلب الأكبر في السوق المصري، وصل الجرام لـ٤٧٣٥ جنيه. أما محبي الذهب الخام فكان سعر جرام عيار ٢٤ عند٥٤١١ جنيه.
مش بس كده، سعر الجنيه الذهب كمان ارتفع وبقى عند٣٧٨٨٠ جنيه، وده كان بسبب ارتفاع أسعار الذهب الخام والمخاوف المستمرة من تقلبات الأسواق النقدية العالمية.
سبب ارتفاع الأسعار
الناس اللي بتسأل دايمًا عن سبب الحركة الكبيرة دي في سوق الذهب، السبب الرئيسي كان قوة الطلب على الذهب عالميًا بسبب المخاوف اللي حصلت في أسواق الأسهم. وكمان، فرض الرئيس الأمريكي دونالد ترامب لرسوم جمركية جديدة على بعض السلع العالمية زود القلق عند المستثمرين، فبدأوا يلجأوا للذهب كملاذ آمن عشان يحافظوا على قيمة أموالهم وسط التقلبات دي.
رغم ان الأسعار مرتفعة، في ناس كتير لسه بيفضلوا يشتروا الذهب عشان يعتبرونه استثمار آمن ووسيلة لحفظ قيمة الفلوس خاصة في الأزمات الاقتصادية أو أوقات التضخم اللي ممكن تيجي فجأة. ومن المتوقع ان يفضل السوق في حالة ترقب لحد ما تستقر الأحداث العالمية ويبان تأثير القرارات الأخيرة على الاقتصاد الدولي وسعر الدولار.
